હેમેન શાહનાં ચૂંટેલાં કાવ્યો

ગુજરાતી ભાષાની આધુનિક પેઢીના ગઝલકાર ડૉ. હેમેન શાહના જન્મ ૯ એપ્રિલ ૧૯૫૭ના રોજ મુંબઈ ખાતે થયો હતો. મેડિકલ ક્ષેત્રમાં એમ. ડી. (સ્કીન) અભ્યાસ કરી તેઓ સ્કીન સ્પેશિયાલિસ્ટ તરીકે પ્રેક્ટિસ કરે છે.

એમના પ્રકાશિત પુસ્તકોમાં ‘ક, ખ, કે ગ’ (ગઝલસંગ્રહ; ૧૯૮૯), ‘લાખ ટુકડા કાચના’ (ગઝલસંગ્રહ; ૧૯૯૮), ‘તો દોસ્ત હવે સંભળાવ ગઝલ’ (ગઝલસંગ્રહ; ૨૦૦૩), ‘તથા આખરે ઊકલ્યા જો અક્ષર’ (કાવ્યસંગ્રહ; ૨૦૧૨) નો સમાવેશ થાય છે. આ ઉપરાંત ‘મેઘધનુષ પર જાવું છે’ (બાળકાવ્યસંગ્રહ; ૨૦૦૦)નો સમાવેશ થાય છે.

એમને પ્રાપ્ત થયેલાં મુખ્ય સન્માનો નીચે મુજબ છે.

શયદા પુરસ્કાર - ૨૦૦૪ - આઈ. એન. ટી. દ્વારા

કલાપી પુરસ્કાર - ૨૦૧૩ - આઈ. એન. ટી. દ્વારા

હરીન્દ્ર દવે સાહિત્ય પુરસ્કાર - ૨૦૧૪

કવિ હેમેન શાહ નવી ગુજરાતી ગઝલનો એક સબળ અને મૌલિક અવાજ છે.

– રઈશ મનીઆર

ડો. રઈશ મનીઆર ગુજરાતી સાહિત્યના લોકપ્રિય ગઝલકાર અને ગઝલના અભ્યાસુ છે. તેમના ગઝલ સંગ્રહોમાં 'કાફિયાનગર', 'શબ્દ મારા સ્વભાવમાં જ નથી', 'આમ લખવું કરાવે અલખની સફર' અને 'કેવળ સફરમાં છું'નો સમાવેશ થાય છે. તેઓ માત્ર ગઝલકાર જ નહીં, પરંતુ વાર્તાકાર, નાટ્યકાર, ગીતકાર અને મંચસંચાલક તરીકે પણ જાણીતા છે. તેમણે નવોદિતોની એક આખી પેઢીને ગઝલના છંદશાસ્ત્રનું માર્ગદર્શન આપ્યું છે. તેમની રચનાઓમાં મનોવૈજ્ઞાનિક સમજ, સામાજિક નિસબત અને ઊંડાણનો અદભૂત સમન્વય જોવા મળે છે. એક આસ્વાદક તરીકે એમણે ગાલિબથી લઈ મરીઝ સુધીના ગઝલકારોને સરળ રીતે ભાવકો સુધી પહોંચાડયા છે. પોતાના સાહિત્યિક પ્રદાન બદલ તેઓ નર્મદ સુવર્ણચંદ્રક તેમ જ કલાપી એવોર્ડથી વિભૂષિત થયા છે.